साऱ्याच मनांना हक्क आहे...

साऱ्याच मनांना जन्मसिद्ध 

हक्क आहे हसण्याचा.

आयुष्यातला आनंद 

मनापासून भोगण्याचा..

कितीही जन्म गेले 

तरी भाग्य लागते 

माणसाचा जन्म भेटण्याचा !

हक्क आहे ,हक्क आहे सर्वांना

आपला विषय मांडण्याचा,

प्रत्येक शब्दाला हक्क आहे 

कृतीमध्ये उतरण्याचा !

भलं असो ,बुरं असो 

वा गोंधळ असो मनातला,

यांच्याचसाठी कुढत असतो

जीव हा माणसाचा !

निराशा कशा या येई वाटेत,

कितीही असो रस्त्यात काटे,

अर्थ त्यातूनच कळतो 

दुर्मिळ या जगण्याचा !

सुख असो वा असो हे दुःख

ते पचवण्या लागतो साऱ्याना 

निर्धार असा तो  मनाचा !

नको तो गर्व , नको तो हेवा 

नको ती भ्रांती अहंपणाची

नसावा कुणातही मीपणा अन

अंश मात्रही स्वार्थाचा !.....

    

        

कवी  -: गणेश शेळके